ለጢሾ....... ዘህራ ዐሊ
   አነ ወመሳኒቼ ነሓፍዝ እንዴ ጻብሓም ዐልነ። ህቶም አስክ ዐዶም ጌሰው ወአነ ዕጨይ እንዴ አሬኮ አስክ አቦቼ ዳፍአት ሄረርኮ፣ አቦቼ ዳፍአት እበ ዕጨይ ክምሰል መጽአክወ እንዴ ደሐረተኒ ጪፎት ሀበተኒ፣ ዲበ ዐረቀይ እንዴ ዐረግኮ ጪፎቼ እት እበሌዕ ወምስለ ዲብ እትሃጀክ እተ ቀበትለ ቤት ጢሾ ሰኒ ገዲመት ስቅልት ዲብ እንተ ረኤክወ፣ ለጢሾ መረ አትፈከረተኒ፣ እበ በሎት ትሳጠረት ወአበ ጽልም እምበለ ሸክለ ጢሾ ኢትመስል፣ ድግም ምስል አቦቼ ዳፍአት እንዴ አዘምኮ ምነ ልብዬ ዲበ ጢሾ ከሬክዉ፣ አቦቼ ዳፍአት ላተ እንዴ ኢትገንሐኒ ምስልዬ ተቀም ትብል ዐለት፣ ሐቆ መደቲት አቦቼ ዳፍአት ድግመ እንዴ አካረምክወ ‘’አቦቶ እለ ጢሾ ናይ ምዶልተ? ወሚ ጢሾተ?’’ እንዴ እብል ትሰአልክወ፣ አቦቼ ዳፍአት እብ ጠቢዐተ ዳገሞት ሰበት ትፈቴ፣ ገጸ ዲብዬ እንዴ በልሰቱ እግል ትድግም እግልዬ አንበተት፣ ‘’እለ ጢሾ እለ ገደ አቦትከ ታሪከ ሰኒ ረዪም ቱ፣ ምሔርበት በልዖ ዲበ ሰበት ዐለው።  ልታላሌ

ሽንገላት

እት ሙጅተመዕነ ለትፈናተ ዓዳት ወለመድ ሀለ፣ ገሌ ዓዳት ወለመድ እት ሐቴ ቆምየትመ ምን ገብእ እት ገሌሁ ለገባይል ክም ዓዳት ናይለ ሙጅተመዕ እንዴ ነስአዩ ልትነፈዕ እቡ ወገሌ ክሉ ረአሱ ኢለአምሩ፣ እሊ ህዬ ምስል ፈያሐት ምድር ወ ብዝሔ ናይለ ዓዳት እግል ልግበእ ቀድር፣አምበል እሊመ ሰሩ ዓዳት ምን ብዲር ለጸንሐ ወአስክ እለ ለአተላሌ ለሀለ እት ገብእ። ገሌ ላተ እብ ድግም ሌጠ ለልትሰመዕመ ኢልትሐገል፣እግል መሰል እለ ሽንገላት ለትትበሀል ሐቴ ምና እት ገባይል ትግሬ ለትገብእ ምንማተ። እት ገሌሁ አካናት የምክን ትትአመር ኢትገብእ፣ ዓመተን ሽንገላት እት ክልኤ እግል ንክፈለ እንቀድር፣ ለአወላይ እሲት ምን ቤት ሕርስ ዶል ትፈግር እግል ጅነ ንኡሻይ ወድ 40 አምዕል ለትገብእ ተ፣     ልታላሌ

ጀበነት እት ምጅተመዕነ

ቡን እብ ለተፈናተ አግቡይ ትትሰቴ፣ ሰሩ ዘንጀቢል እንዴ ወደ ዲበ፣ ሰሩ እብ ፈር-ፈር ወሰሩመ ሕበር ዘንጀቢል ወ ፈር-ፈር እንዴ ወደ ዲበ ሰትየ።ሰሩ እግል ህጅክ መሕበር ለአብዝሕ እተ ፈቴ ወሰሩ አምበል መሓውላይ በኑ ልትገንገአ፣ ከእብሊ ቡን እት አግቡይ ስታያመ ሰኒ ምን አድሐድ ትትፈንቴ።

ኦሮት ነፈር ሰኒ ዋልፍ ክምቱ ለልትአመር ፍጃኑ እት ጂቡ እንዴ ወደዩ ገይስ እቡ፣ ቡን ናይ ብዝሓምመ ሳደፈቱ ምንገብእ እት መናሰባት ጀበነቱ በኑ ወድወ እሉ፣እሊ ህዬ ወለፍ ናይ ቡን ዐቢ እህትማም ሰበት ልትሀየብቱ፣ እት ብሩር አድሁይ ልብዘሕ ወልውሐድ ምስል ለሐድር፣ አስቡሕ አርድ ክምሰል ጸብሕ መዋግእ ቅብላት ሕድ ደጋድግ፣
ሱድፈት ሐቴ ቤት ምነ ድጌ ለዲብ ሕድ ካልል መውግእ ኢትሰመዐ እተ ምንገብእ ዮም እሊ ዐድ ሚ ጀሬት እሉ አፎ ምን ሞግእ አስቡሕ አጽበሐ? ልብሎ ለግዋረ፣ ላመ ዐድ አስክ ሚ ገብአው ልትበሀሎ ኢልታከው። ናቅሰት ለህሌት ምን ግዋራሆም ለአተሙመ፣ ቡን ምን አለቦም ዊደት። ልታላሌ

ጅነ ለዓቅል
ሐቴ መደት እናስ ዎሮት ምስል ዓይለቱ ዲብ ሐቴቀርየት ነብር ዐለ፣ እሊ እናስ´ እሊ ሰልአስ አጀኒት ዐለ እግሉ፣ ህቱ ማል እንዴ ቡ እብ ሰበብ ይአውዐሎት ማሉ ሽዕቱርቱ ወሒለት እንዴ ቡ እብ ህኮት ዲብ ሽቅል ኢልትፈረር፣ ዲበ ቀርየት ላኪን ሰኒ እሙር ወመአበይ ቱ፣ ሰበቡ ህዬ ረቢ ወአዳም ለለአብዩ ሽቅል ዲቡ ፍሩር ሰበትቱ፣ እሊ እናስ እሊ ሰራቅ ቱ፣ እበ ስርቁ ለቀርየት አብደ እባቱ ህዬ ላመ ሰኒ እሙር። ምነ ኔብረት ናይለ ቀርየት እሊ እናስ ለኢለአምር ሀለ ምን ገብእ ለእግል ኖሱ እኪት ወሰኔት ለኢፈናቴ ላጽሕ ልቡ ንኡሻይ ጥፍል ሌጣቱ፣  ክሉ ለአምሩ፣ ክሉ ለአብዩ ወክሉ ልትደገግ ምኑ፣ ኣቤ ሒለት እንዴ ቡ እንዴ ሸቀ ሰበት ኢልትደረር፣ እብ ለሀበቱ በደል ሸቄ። ለሀበት ጸሩ ሰበት ልንህብ ወእበ ነብር፣ ህቱ ላኪን ክመ ሰኒ ዋዲ ገናድል ወበሀል ናይለ አዳም ከበሩ ኢወዴ፣ ሐቴ ምዕል ርሑ ትደግልል ወሒለቱመ ትትዕብ ምን ረአየ። ገሌ እግል ልባስር ሰተተ፣ ለንኡሸ ወልዱ እንዴ ነስአ ከደን ጌሰ እቡ፣ ምነ ዐድ ሰኒ ክም ሬመ እቡ። ልታላሌ

ጥመዕ

• ክልኦት እናስጠመዕ እብ ሰበብ ጥምዖም አትዐገቦት አዳም ሰበት በዝሐ እቶም። ምነ አትዐገቦት እግል ልንገፎ።ለዎሮ እግለ መለሀዩ። - “መለሀይ አነ ሐቴ ሕፍረት ዐባይ እንዴ ሐፈርኮ ምነ ማልዬ ረእሱ ለዐል እግል እላክፍቱ፣ ምነ ሕፍረት በረ ለፈግረ ማል መሳኪን እግል ሀቡቱ ወእታ ሕፍረት ለአተ ህዬ ማልዬቱ።” ቤለዩ፣ ሰበት ሰፍረ ከልብ ለሐርደ እናስ !! ቤትለ እናስ ሐቆለ አተው። ምነ አማን ሐቆለ ተአከደው አስክ ፖሊስ እንዴ አተሰለው እግለ ነፈር እት ሐንቴ መራቀበት ክም ለአቴ ወደዎ፣ ለእናስ እብ እንክሩ። ለከልብ እብ አማን ክም ሐርደዮ ሐቆለ ወደሐ። ህቱ እምበለ ሰፍራመ ሳክር ክም ዐለ አፍሀመ፣ሰፍረ ሳክርማ ክም ዐለነ ሸርሐ እግሎም፣

• ዎሮ ጠመዕ ወጅኔታዩ አስክ ሱግ ጋይሳም እት ህለው።
- ለጅነ “ይባ። ይባ….ይባ አነ እለ እስእን እፈትየ። ዛበየ እግልዬ።’’ እት ልብል አሰአለዩ፣
- ለአብ እብ አንክሩ። “ከምን ፈትየ እንዴ ሰዐምካሃ እተ አካነተ ብለሰ ቤለዩ” ልትበሀል፣
• ክልኤ ወሕራት አንስ እት መራት እንዴ አተየ ለአሰልፍ ትፈግር እግለ መልህየተ ዐዙመት ድራር እግል ቲዴ ክም ተ አተፈቀየ፣ ወክልኢተን ክማ እግለ አተፈቀየ እተ መራት አተየ፣ ክል-ምነን ዐዙመት መልህየታ ዲብ ትታኬ። እተ መራት ወዐለያ። ወሐቆሁመ ትመየያ ወዲብ ደንጎበ ክልኢተን እብ ተዐብ ወሰፍረ እታ መራተን ሞተያ፣ ረቢ ልነጄና በሎ መግሀፍ ወጥመዕ ኢወድዩ አለቡ፣ አጠዐሚቶ!!
- ላማ ካልኣይ ጠመዕ እባ አከይድሱ አነ ህዬ። “ለማልዬ ዲብ ዐስተር እንዴ ላከፍኩሁ ለዲብ ዐስተር ተርፍ መሳኪን እግል ሀቡቱ ወለ እት አርድ ልትከሬ ህዬ እግልዬ ቱ” እት ልብል በልሰ እቱ፣
• ዎሮ ሐኪም እግል ዎሮ ግሉል ደዋ እንዴ ቀረረ እግሉ ምነ ደዋ ሰለስ መዕለቀት እግል ልንሰእ ሐበረዩ፣
- ለግሉል እብ እንክሩ “ያደክቶር እንታ ግሉል እንታ መስለኒ! ሕነ እት ቤትነ ክልኤ መዕለቀት ሌጣ ብነ” ቤለዩ ልትበሀል፣

መሕበር ጎማት ናፖሊ ጢላን እብ ሰበት ትግራይት

ምን ዮም 7 – 8 ፌብራይር ዲብ ናፖሊ ኢጣልየ ታሪክ ወህግየ ናይለ ትግራይት ለልትሃጌ ገባይል እበ ልብል አርእስ። መሕበር ጎማት ጋብእ ዐለ፣ እሊ እብ ወላድ ካርጅ ለትነዘመ ወእብ ክሱስ ትግራይት ለዳለ ለትፈናታ ወራቅ ቅዱም ዐለ፣ እብ ዓመት ለመሕበር ጎማት ከፎ ክምሰል ዐለ ወእግል ዐቦት ትግራይት ሚ ዶር ክምሰል ዐለ እግሉ፡
 ታሪክ ወሂጋ ናይለ ትግራይት ለልትሃጌ ገባይል መሕበር ጎማት ምን ዮም 7-8 ፌብራይር ዲብ መዲነት ናፖሊ ጢላን ጋብእ ዐለ፣ ሀደፍ ናይ እሊ መሕበር ጎማት እሊ። ኤረትርዪን ባሕሲን ወውላድ አሮበ ባሕሲን እብ ክሱስ ትግራይት ወድው ለህለው በሐስ ተስጅዕ ጀላብ እግል ለህሌ እግሉ ወእት ሚ ደረጀት ብጹሕ ክም ሀለ ጀላብ እግል ልትአመር። እግል እሎም ምን ክልኤ ጀሀት ለመጽአው ባሕሲን ክምሰል ለአምሐበሮ እንዴ ወዴከ። እግል እሊ እብ ክሱስ ትግራይት ገብእ ለሀለ በሐስ ገጽ ቀደም ለለአሳድር እቡ አግቡይ እግል አጥፈሖት ለገብአ መሕበር ጎማት ቱ ለዐለ፣ እሊ መሕበር ጎማት እሊ ለነዘመት ህዬ ጃምዐት ናፖሊ ወእብ ፍንቲት ህዬ ኩልየት ድራሳት ምፍጋር ጸሓይ ለትትበሀል ኩልየት ለትነዘመ ዐለ፣  ልታላሌ

If you are unable to read some of the Tigre (ge'ez) texts. download these fonts ...

Simply download it and paste it in the FONTS folder of your Windows.

 

ሕላይ ሰብ-በዲር ዔማት ክታብ ሐይለት ትግራይት

ዝያድ 700 ሕላየት እብ ለትፈናተው ሔልየት ምነ ትፈናተ ገባይሎታት እብ ሰበት ለትፈናተ ተጋቢብ ለተሐለ ህለ፣ ከእሊ ሐይለት እሊ ናይ ዮም ወማሌ እንዴ ኢገብእ ቀደም አምኣት ስኒን ለተሐለ ዝሕረት ትግራይት ቱ፣ ለትከተበት ኢትመይት ክምሰለ ልትበሀል ህዬ። ዲብ ሰነት 1913 ምን ትከተበ አስክ እለ ጸንሐ ወእሊቱ ነብር ሀለ፣ ሕላይ በዲር ሰኒ ጥዑም ወዲብ አፍካክ ለዘብጥ ነብረ፣ ሰበት እሊ እግል ሴምዓዩ ለረዬሕ ወብህላዩ ለልሐብን እት እንቱ አስክ እለ እንዴ ኢልትመሸግ ነብር ሀለ፣ ከአዜመ እለ ዝሕረት እለ እግል ኢልብዴ ወምን ጂል ዲብ ጂል እግል ልትትሐላለፍ'ቡ፡   ልታላሌ     

ነቅፈ

ነቅፈ።ዲብ ታሪኽ ንዳል ሸዐብ ኤረትርየ ፍንቲት አካነት ለበ መዲነት ተ፣ ብዝሓም ህዬ። “ዓሲመት ግድለ ሸዐብ ኤረትርየ” እንዴ ቤለው ሰምወ፣ መዲነት ነቅፈ ሐቴ ምነ። እብ አባይ ዝያድ ለደመዐያ ወእዴ ለገብአት ዲበን መዳይና ተ፣ እብ ሰበብለ ክቡድ ሐርብ ህዬ። ለመዲነት ድምነት እንዴ ገብአት ምንመ ተርፈት። ክማ እተ ንዳል ለሰምደ ዎሮ እት ቀበተ ለሀለ ምስግድ ቱ፣ናይ ዮም ዝያረትነ ህዬ። ልታላሌ

ገ ለ ድ

ሐቴ መደት ወነን ወነገል ዲብ ሰፈር ታለው፣ እት ገበዮም እት ልትሃጀኮ ገይሶ ሰበት ዐለው ዎሮከ ህጅክለ መልሀዩ ዐጅበቱ፣ ወእባሆም መሳኒት ገብአው፣ ክመ ተአሙሩ ወነን ዎሮ ምነ ቤልዐት ስገ ወሰኒ ሽዉክ ወትሩድ መትንዕያይ ቱ፣ ቱሉዩ ለሀለ ህዬ ምን ርሑ ወለ ሐቴ እግል ልክረዕ ለኢቀድር። ዲመ ለልትነዐዩ ወለበልዑ ሔዋንቱ፣ ምናተ እበ ህጅኩ ሰኒ ሰበት ፈተዩ ወትመሳነዩ ስገ መስኒሁ እግል ልብለዕ ኢትሸንሀ፣ ነገል ላኪን የአምነዩ ወየአግነዐ እግሉ፣ ክእነ ህዬ ቤለዩ።-  ልታላሌ

ህምቦብ (ሽዕር)
ህምቦብ ዓቢ ናይ ናባሪ መትሓላላፊ ኣምር ጽዋርቱ ፡ ገቢል ትግረ ታሪኹ ዎ ናባሪሁ ኣስክ ኣዘ እብ ህምቦብ እንደ ላኣታላልዩ ጻንሓ ፡ ታሪኽና ዲብ ዳፋትርማ ምንዲ ኢልትካታብ፡ ኣበዉና ዎ ኣብዕቦታትና ዎ እማትና ላናባሪ እብ ህምቦብ ዲብ ልሳኖም ዎ አልባቦም እንደ ዓቅራዉ እግል ዉላድ ዉላድ እንደ ላኣትሓላሉፉ ጻንሓምቶም ፡ እብ ህምቦብ ትግረ ኣመሮት ልትኣመሮ ላዓላዉ ዎ ላሃለዉ ሰብ ልግባኦ ዎ አንስ ብዙሓማ ምን ገብኦ፣ ሳአን ክታበት ዎ አካቦት ምን ብዞሕ ናባሪና ታሓራምና፡

ለዘት-ሕላይ .... ኤረትርየ ዳልየት’ታ

ሔልያይ እለ ሕላየት ምና ሰልፍ እግል ንዳል ሸዐብ ኤረትርያ ለሐለው ሔልየት እት ገብእ። ህቱ መሐመድ ዐብደለ ባዒሰ ልትበሀል፣ መርሑም መሐመድ ዐብደለ ባዒሳ ምና ሰልፍ እግል ሰውረት ኤረትርየ እግል ፍርስነት ወላዳ ወአከይ መዋዲት እስትዕማር። ክምሰልሁማ እግል ዓዳት ምና ሐልው ሔልየት ትግሬቱ፣ መርሑም መሐመድ ዐብደለ ባዒሳ እት ሰነት 2003 ቱ ለትረሐመ፣ሐቴ ምነ ሕላዩ ምን እንረኤ ህዬ እለ ለተሌታ ከለዘታ አዳውሮ።  ልታላሌ

ለዘመን ምንመ ለአትራይም
ለዘመን ምንመ ለአትራይም ለእኪት ተሐልፍ ወሰኔት
ዕምር ጥዉል አለበ እት አውቃታ ለኢፈኔት
ብርድ ወካቤት ቀልየ እት መስከበ ለይአቴት
ዒረት ወሕሜት ተልየ እት ምግሳያ ለኢትገሴት፣
ነጅስ ልትበሀል ባዲ ሐቆ ኢሰኔ
ሀሀል ለብስ ምን አደቡ ለኢለዐቤ
ሕቡን ኢኮን መባልሱ ምንለዐል ጸሩ ኢልትሰሜ
ውሕር ልትበሀል ወጤምዓይ እት ብዕድ ለኢለዐዴ
ብቱክ ቅርዱ ልትበሀል እግል ህያብ እዴሁ ለኢመጤ
ለዘመን ምንመ ለአትራይም ዒረት ኢትበዴ ወሐምዴ፣
እድንየ ሰሓቅ ተ ወፈርሐት ልዉቅ ቱ ለሽፍረ
ዐማር ተ እድንየ ከድረ ነብር ለምድረ
ቅዙር ቱ ለጸርዐ ትትጃፈጥ ለዐሙረ
ሉል ተ ወደሀብ እድንየ እግል አክያር ለሐፉረ
ህዳይ ተ እድንየ ለእብ ዕላላት ባሹረ
ወንዕመት ተ እድንየ ለእት ክል ፈጅር ዛዩረ፣
እድንየ ሐዘን ተ ወብካይ ለስፍሩይ ነብር አድሁየ
ሐርብ ተ እድንየ ሽዕቱር ነብር ሰብአ ወንዋየ
ጨባብ ተ እድንየ ጨባብ ለምን ለአትየ
ዐለዮ ተ ወመትሸዐታር ረይም ምነ ፈታየ
ወቀሀር ተ እድንየ ዲመ ኢልትከለስ ብካየ፣
ፈታይ ፈታዩ ለአቤ ለዘመን ሐቆ ልትኬለም
ለጅነ እብ ሞረት ልትጻበጥ ለእብ እግል ትእዘም
ለወለት ኢትከጅል እት ገጽ አቡሀ ትብል ፈለከም
ለዘበን ከፎ ከይድ ሀለ የሀው ኒበል ወንሕከም፣
ዶል ሰሓቅ ወትልህየ ጥዑም ቱ መጃላተ
ተለው ዶል ትወዴ ሸባብ ለሐቴ ብጥረተ
ሰርጎ እማተ እንዴ ትሰርጌት ስራይ ምለዐል ስናተ
እድንየ ጥዕም ተ አቤት እዬ ወስፈተ
ትሮንካይት ትወዴ ዋልዳይት ምሴ ልግበእ ወፈጅር
ለሻብ እብ ቅንጸቱ ምን መዓሉ ዶል ኢለዐይር
ቤት አማኑ ለአቴ እንዴ በኔ ወለዐምር
እድንየ መራር ተ ክም ዐንደል-ሶማ ወጸብር
ለኢተሐልፍ ኢመነ ለሞላይ ኤማን ተሐዜ ወሰብር፣
ትትሰራበብ ነፍሼ ወዶል ተአትዋይን
እበ ትብሕተኒ እድንየ ወትከርፈኒ እት በይን
ክማ በዐል ጀሪመት ተኣቴኒ እት ስጅን
ወአከይ ምብላስ ተአበልሰኒ ለእበ እደንን፣
እድንየ ሰላም ተሀይበኒ ምስል ሐውዬ እፈሬሕ
ዶል እት እተሌ ወዶል እት እመሬሕ
በዐል ሻምዬ እረክብ ወሓለቼ እሸሬሕ
ጭዊት እግል አርቴዕ እት ክል መሕበር አመቅሬሕ
ከገድም እድንየ ክእናተ እግል ለኣምረ ለልሐዜ
ልሰሐቅ ወዳግም ወዶል ሐቴ በኬ
ለዐምር ወበኔ። ለአከርብ ወለአበዴ
ከእድንየ ክእና ተ እግል ለኣምረ ለልሐዜ፣
                         ዐብደለ ሳልሕ ሐሊብ

በዲር ኣምረት ጀልደተ

“ሐሊብመ ው’ላዱ ሔሰዩ”

ትግራይት ሐቴ ምነ እት ኩረት እዲነ( Globe) ለነብር ምኑይ ተ፣ ህግየ ብሕታሁ ለልትሃጌ። ህታመ ርሐ ለቀድረት ህግያ ተ፣ ላኪን ምነ ቀዳምያም ውላድ ብክረ። ተሰምዶ (ስምነ እኪ) ለትብል ዘዐት ሰበት ኢረክበት። ይዐቤት፣ ወቀይለ ውላድ ብክር ምኑ እንዴ ኣዘምነ። ዮም ትግራይት ረቢ እንዴ ሀበየ። “ሐሊብመ ውላዱ ሔሰዩ” ክ’መ ልትበሀል። ውላድለ ትብጠር መጦር ስናተ- ሰኒ ትምለእ ሐረተ ሐቴ ስእነት ኢኮኒ -

ወኢልትቀየስ ፈርያተ ቃዝረት ተ ለዒነ - ወዲመ ምልእት ሸንጠተ ሓግለት ኢኮኒ

ሄድጋይት - ገቢል ክሉ ዔማተ ንክደም ክልነ -

 ነአግምለ እግል ዳፍአት ህታተ ዔማት ህግያነ -

ለገለድነ ሐደሰት ህታታ ሄድጋይት -

መጦር ስናት ለበጥረት ወእግል ተጠውር ህግያነ

- ራየተ ለወቀለት

 ሳልሕ ኢብራሂም ዩስፍ

ጀርበ ሰከይ ምከልእ
ዓቢ! እሙርቱ ቀደም ኣዘ ላሰልፍ ጀርበ ናይ ሃዳጊት ዲብ እንተርኔት እብ ስም ሞዳይ ዓላትማ ምን ገብእማ ሰበት ሰዳይት ሳእናት ከምሰላ ንስእያ ዎ ሳእዮብ እንወደ ዲባ ዓልና ወቀይ ኢጋብኣት፡ ምስሉ ህየ ገለ እብ ዓረብ ዎ እብ ትግርኛ ዲብ ኢንተርኔት ላካትቦ ሓዉና ሞዳይ አግሎም እግል ትትባደር ላቀንጸት እንደ መስለዮም እብ ንቅፈት ሓተ ይሓድገዉ ዲብና፤ ዳእሜኒ ሞዳይ ብዙሓም ሓዉ ሰብ ማራነት ዎ ምርወት ዎ ሰብ መባጥር ኢሳእነት፤ ዎ ክማ በዲር ላቤልንሃ "ጽልመት ኢትርገም እያድ አቅረሕ" ላልብል መሰል አስክ ኣዘ ምኑ ያኣርሔና፡ ዓድ ዎ ናባሪ ዎ ህግያ እብ ኖስ ዎ ዕልም ዎ ምህሮ ከም ልትነደቅ ኦሮ ኢሰርራ፤ ብዞሕ ዓመታት ላሰከብናሁ ስካብ ምኑ እንደ ፍዛዕና እብ ናፍስና ዎ ናባሪና እግል ንሽነን መንቱ ላካራዓና፡ እግል ዓቦት ህግያ ትግረ ዎ ናባሪሃ ኩሉ ገቢል ትግረ እንደ እዴሁ ሻማካ እብ ፍንቱይ ህየ ላዳቅባም ዎ ላኣምራም ምኖም ብዞሕ ጻገሞ እግል ሊደዉ እግላ ብኦም፡ ኣስክ ምዶል ሓዋንያም እግል ንምበር? እምበር ኖስና ማንቱ ላቤትና ናድቅ? በደል እብ ህግያ ዎ ናባሪ ካልእ እግልሚ እብ ናይና ዎ ኖስና ኢንትፋወሽ ዎ ኢእንሸንን? እግልሚ ናባሪና ድሁር ንርእዩ? ንየት ዎ ሳኣይ ሐቆ ሃላ ኩሉ ለትቀደር፤ እደየ ዎ እደካ እንደ ባሃልና ናፍስና እንደ ይእንቃብብ እባ ላሃሌት እግልና ላሰልፍ ዘርእ ንዝራእ፤
ሓይሳም ቄርኣት
ዲብ እላ አካን ክቱብ ላሃላ ብዞሕ ፍረ ላቡ ናይ ትግረ ናባሪ ሓዝል ሰበት'ቱ ኩሉም እላ ህግያ ላላአምሮ እግል ልክታቦ ሽፍር ፍቶሕ እግሎምቱ ሰዳይቶም እብ ሳእዮብ ንጸበር፤ ሳእየትና ዲብኩም ብዞሕቱ፤ ዎ ጀርበ ሰከይ ምከልእ።

መዳልያይ