ለዘት-ሕላይ
ኤረትርየ ዳልየት’ታ

ሔልያይ እለ ሕላየት ምና ሰልፍ እግል ንዳል ሸዐብ ኤረትርያ ለሐለው ሔልየት እት ገብእ። ህቱ መሐመድ
ዐብደለ ባዒሰ ልትበሀል፣ መርሑም መሐመድ ዐብደለ ባዒሳ ምና ሰልፍ እግል ሰውረት ኤረትርየ እግል ፍርስነት
ወላዳ ወአከይ መዋዲት እስትዕማር። ክምሰልሁማ እግል ዓዳት ምና ሐልው ሔልየት ትግሬቱ፣ መርሑም መሐመድ
ዐብደለ ባዒሳ እት ሰነት 2003 ቱ ለትረሐመ፣ሐቴ ምነ ሕላዩ ምን እንረኤ ህዬ እለ ለተሌታ ከለዘታ አዳውሮ።-

ኤረትርየ ዳልየት’ተ - ወዐስተረ እብ ጊማ
ቅሩብ ለህለ ተሐበሰ - ላመ ጌሰ አሬማ
ኤረትርየ ትወረረት - ምንቱ ገብእ ቀሪማ
ረዪም ለህለ ለአቀብል - ኢትፍረሖ እለ ዲማ፣
ማልና ወዳርና ሐደግና - ወንዋይና እት ከደን
ሰርና አድብር ትሸፈላ - ሐንና ዕጨይ ወእበን
ሰርና አብሑር ተዐዳ - ሕጃዝ ቤላ ወዐደን
ምን እስትዕማር አምሐራ - ሞት ተሐይስ እብ ሐበን፣
ሹሀደእ ለእሎም ቃተልክም - ደሞም ከደን ኢበዴ
ነአቀስና መርባቶም - ኦሮት እብ ዐስር ንትፈዴ
ቃሊ ወረኪስ ለሀይብ - ሕርየቱ ለሐዜ
ሐቅና ኖስና እነስኡ - እብ ደም ልግበእ ወእብ እዴ
ሹሀዳና ኢሞተው - ኢትረስዖም ለአመት
ሽሂድ ጋሻይ ረቢቱ - ሰክብ።ጸግብ እት ጀነት
አምዕላ ጠልመት አምሐራ - ኤረትርየ ለወረት
ለአቀቡላ እብ ረቢ - ሰብኣ ለእሎም አፍገረት፣