ሙናድል መሐመድስዒድ ናውድ ምን እምብትባተቱ ምን አጅል ወጠኑ ወሸዐቡ። እብ መትሰባል ዲብ ክሉ
መጃል ለከድመ። እብ ክሱስ ኤረትርየ ዲብለትፈናተ መሓፍል እብ ቀድየት ኤረትርየ ለተሃገ ወለትፈናተ
አክትበት ታሪክ ለከትበ። አስክ ወቅት እስትሽሃዱ እብ ፍክሩ ወአርወሐቱ ምን ክድመት ወጠኑ ሴመ ለኢጠምዐ አብ ሰውረት ወንዳል ቱ፣ ከእብለ መናሰበት ምሔርባይ አቡነ መሐመድስዒድ ናውድ ለከድመዩ ወቀይ ወጠን ወለሐልፈ እቡ መራሕል እትለ ሰፍሐት እግል ንሽርሑ ምንመ ይእንቀድር። ምነ ዲብ አምዕል ስርሓሁ ዲብ መቅበረት ሹሀደ ለትቀረአ
ሐጪር ታሪክ ሐያቱ እግል ንርኤ።-
- መሐመድስዒድ ናውድ ዲብ ሰነት 1936 ዲብ ሮረ ሐባብ ዳሕየት ማሬት ትወለደ ወምስል ዋልዴኑ ዐበ፣ - መሐመድስዒድ ናውድ ክምሰል ሸንገለ እብ ሽዑር ወጠን ዲብ ክድመት ወጠኑ ትበገሰ ወኦሮት ምን መአስሰት ሐረከት ተሕሪር ኤረትርየ እንዴ ገብአ አስክ እምበተት ንዳል ስለሕ እብ መትሰባል ከድመ፣
- ዲብ ስነት 1971 ህዬ ዲብ ቅዋት አሸዕብየት ተሓበረ ወመስኡል መከተብ ተንዚም ዲብ ከርቱም ምን ስነት 1971-1972 ገብአ፣
- ሐቆሁ ምን ሰነት 1972-1976 መስኡል መርከዝ እዕላም ዲብ በይሩት ገብአ፣
- ምን ሰነት 1976-1982 ናይብ ርኢስ ቅዋት አተሕሪር እንዴ ገብአ ሸቀ፣
- ሐቆሁ ምን ሰነት 1982- 1984 ነፈር መጅልስ ተንፊዚ ጀብሀት ተሕሪር ኤረትርየ ተንዚም አልመውሐድ ገብአ ወእብሊ አስክ ሰነት፣
- ምን ሰነት 1984-1989-1992 ህዬ ርኢስ ተንዚም አልመውሐድ እንዲ ገብአ ከድመ፣ ሙናድል መሐመድስዒድ
ናውድ ሐቆ ሕርየት ዲብ ወጠኑ እንዴ አቅበለ እብ ዝያደት ዲብ ክድመት ወተኑ እግል ልሻርክ ኤረትርየ አተ፣ ዲብ ምጅልስ ወጠን እንዴ ተሐረ ህዬ ምን ስ አነት 1993-1995 ሓክም አቅሊም ሳሕል ዲብ ውዛረት ሕኩማት አቃሊም
ገብአ፣ ምን ስነት 1998 አስክ ወቅት እስትሽሃዱ ህዬ ዲብ ሐንቴ መክተብ ርኢስ ነፈር መርከዝ ድራሰት እስትራተጅየ እንዴ ገብአ ምኑ ለልጠለብ ከድመ ወዶሩ አግደ፣ ሽሂድ ምሔርባይ መሐመድስዒድ ናውድ ዲብ ብሑስ ወድራሳት
ክምሰልሁመ ለትፈናተ ታሪክ ለከስስ መዋድዕ ዶር ዐቢ አግደ፣ እብ ክሱስ ዓድለት ቀድየት ኤረትርየ ዲብለፈናተ መሓፍል ወእጅትመዓት ወተውድሕ ሳብት ቀደመ፣
ሽሂድ መሐመድስዒድ ናውድ ምን ክድመት ወጠኑ እንዴ ኢልትሐለል ወእበ ትትቀደሩ ዲብ ከድም እብ ሰበብ ሕማም ዲብ ዮም 16 ሰብተምበር ሐቆ 74 ሰነት ምን ዕምሩ። ምን እለ እድንየ አስክ ቤት አማኑ ጌሰ፣
መሐመድስዒድ ናውድ በዐል ዕያል ወአብ አርበዕ ው’ላድ ቱ፣